羽山冰室 (已結業)

今日返半日，放工仲要去馬田村附近買嘢，臨近回程時就用apps落咗羽山冰室的外賣送餐，係第一次幫襯。家人揀咗香濃蕃茄薯仔湯鮮牛肉通粉，呢個餐除咗牛肉美味外，薯仔夠淋，湯夠濃但又唔會太咸，通粉的口感亦滿意。我揀咗椒鹽雞扒飯炒底，椒鹽的份量好夠，令到雞扒的整體效果一流，而且雞扒的份量亦好夠。個炒飯夠乾身，食落口感滿足。其中跟餐的多士，亦一啲都唔馬虎！我地另外叫會咗份西多士，雖然係外賣及放咗一陣，但食的時候仲係口感OK。整體全部食物都令人滿意，同時感覺到羽山冰室對食物的認真。