影片
更多
2012-02-27
8 瀏覽
是日因睇戲, 晏左食lunch, 就於Openrice 尋找太子附近有咩食店, 見呢間係人氣店, 而上次經過未有機會試, 即使評語說經要常排隊等候, 都決定過去搏下有無位, 到達都已經下午3點, 果然無人龍, 款式不多, 好快就可以選定食物.先講食物: 叫了一碗菜乾豬骨粥&一碟豬潤腸粉, 好快弼粥熱辣辣送上, 粥很綿, 但並無菜乾味, 豬骨一件, 咬落只有其本身被醃製嘅味, 粥內吃不到有豬骨肴製而出嘅肉味; 而豬潤腸粉, 豬潤蒸得剛好, 很滑溜, 但那層腸粉皮, 雖也稱得上滑, 但那種滑的程度只是一種普通腍嘅滑, 咬落去就散開, 很多腸粉店都可以做到呢個水準, 係香港其他地方有些不起眼嘅粥麵店, 甚或有些酒樓都已做得比這裡更滑中帶些輕彈的感覺, 有食過陳村粉的話, 就類似那感覺喇, 便會明白嗰種不同嘅滑之分別和層次分野, 不過口味嘅嘢, 有人喜歡這有人喜歡那, 各取所需啦.環境: 店細細, 打點得頗企理&乾淨員工態度: 我一直都堅持, 一間食肆, 員工態度的比重應該跟食物質素及環境相同, 不相伯仲, 尤其屬於那些所謂人氣店, 辛辛苦苦排一輪隊, 食物幾好, 環境幾美麗/舒適, 到頭
先講食物: 叫了一碗菜乾豬骨粥&一碟豬潤腸粉, 好快弼粥熱辣辣送上, 粥很綿, 但並無菜乾味, 豬骨一件, 咬落只有其本身被醃製嘅味, 粥內吃不到有豬骨肴製而出嘅肉味; 而豬潤腸粉, 豬潤蒸得剛好, 很滑溜, 但那層腸粉皮, 雖也稱得上滑, 但那種滑的程度只是一種普通腍嘅滑, 咬落去就散開, 很多腸粉店都可以做到呢個水準, 係香港其他地方有些不起眼嘅粥麵店, 甚或有些酒樓都已做得比這裡更滑中帶些輕彈的感覺, 有食過陳村粉的話, 就類似那感覺喇, 便會明白嗰種不同嘅滑之分別和層次分野, 不過口味嘅嘢, 有人喜歡這有人喜歡那, 各取所需啦.
環境: 店細細, 打點得頗企理&乾淨
員工態度: 我一直都堅持, 一間食肆, 員工態度的比重應該跟食物質素及環境相同, 不相伯仲, 尤其屬於那些所謂人氣店, 辛辛苦苦排一輪隊, 食物幾好, 環境幾美麗/舒適, 到頭來食到滿肚氣就無謂啦; 此店的第一招牌腸粉, 有什麼材料呢? 因為我睇極都睇唔到掛在牆上的"餐牌"有陳述又懶得問, 索性唔叫, 後來再兩頭望, 才發現原來掛到另一邊牆上有另一隻小相架內印有其材料, 在等食和進食的短短30分鐘內, 先後有兩個客人問員工, 那個招牌腸粉有什麼材料, 那員工只係好不情願地, 好兜圈地說 "咪寫左係度, 係上面囉..." (其間並無以任何手勢或眼神指向那另一邊的相架), 唔想講啫, 咪指一指個牌掛嗰邊叫人自己睇囉; 當我結帳時, 那個收銀的 (疑似老闆/管數)更奇怪, 收銀機面向牆, 她背向住店舖內的座位, 剛收了前一個客人錢, 正在放好錢之際, 我站在她背後的五點鐘位置, 伸手把單和錢遞上前給她, 她全程都是背向著我, 連找錢給我, 都是背著我啊, 只是屈轉隻手遞錢, 我唯有再伸手前去接啦 (其實佢好傻, 收銀機開住, 一直背向後, 後面有咩壊人打咩壊主意, 定難察覺); 點出這些, 並不是苛求鞠晒躬, 道晒謝的服務, 只係小店一間啫, 不過連與人相處嘅基本禮貌&一般嘅經營之道都無, 心想唔通他們已做到氣咳, 唔想太多回頭客, 招呼唔切?! .
張貼