影片
更多
2013-01-16
103 瀏覽
見佢算係新開張, 諗住同屋企人試下, 點知中伏!!!我地一行四個人, 叫左三個定食, 另外散叫左d壽司小食, 分別係: 井川定食(包括沙律,味噌湯, 茶碗蒸,網燒牛扒, 天婦羅蝦一隻+天婦羅野菜, 甜品, 飲品, $168), 鰻魚飯定食($168),滑蛋吉列朱扒飯定食($88), 帶子壽司一件($30), 牡丹蝦壽司一件($55), 加拿大海膽卷(六小件, $80), 蟹肉忌廉餅(好似$45),野菜天婦羅($70-80, 唔係好記得), 特價三文魚刺身三件x3($18x3) 熱清酒($70), coke light(跟餐)落單時侍應態度ok, order清酒主動問要幾多隻杯, 點知而家先係惡夢既開始......過左一陣, 壽司到左, 個樣都ok, 但阿哥想等埋杯清酒先食, 於是就等, 等左一陣, 其他野食都陸續黎, 但仲未見D野飲(包括清酒同coke light)......於是我地追佢(一位名叫Douglas既侍應), 佢聽完只係應左一聲就行開左, 無再返黎話我知到底佢漏左單定點......再過左一陣, 野飲終於黎. 同一時間, 有碟唔知咩擺低, 我地問擺低果個侍應, 呢個咩黎?佢
我地一行四個人, 叫左三個定食, 另外散叫左d壽司小食, 分別係: 井川定食(包括沙律,味噌湯, 茶碗蒸,網燒牛扒, 天婦羅蝦一隻+天婦羅野菜, 甜品, 飲品, $168), 鰻魚飯定食($168),滑蛋吉列朱扒飯定食($88), 帶子壽司一件($30), 牡丹蝦壽司一件($55), 加拿大海膽卷(六小件, $80), 蟹肉忌廉餅(好似$45),野菜天婦羅($70-80, 唔係好記得), 特價三文魚刺身三件x3($18x3) 熱清酒($70), coke light(跟餐)
落單時侍應態度ok, order清酒主動問要幾多隻杯, 點知而家先係惡夢既開始......
過左一陣, 壽司到左, 個樣都ok, 但阿哥想等埋杯清酒先食, 於是就等, 等左一陣, 其他野食都陸續黎, 但仲未見D野飲(包括清酒同coke light)......
於是我地追佢(一位名叫Douglas既侍應), 佢聽完只係應左一聲就行開左, 無再返黎話我知到底佢漏左單定點......
再過左一陣, 野飲終於黎. 同一時間, 有碟唔知咩擺低, 我地問擺低果個侍應, 呢個咩黎?佢話係跟井川定食既, 咁我地當時又唔肯定自己有無睇漏個餐係咪有呢樣, 於是無再追究.
因為個個餐都有沙律, 咁但係佢黎果時只係黎左三個, 咁我就問佢:[係咪仲有一個沙律?]佢話個井川定食個沙律係唔同既, 一陣會黎. 點知最後個定食既主菜牛扒都黎埋都仲未見個沙律......結果又係要追先黎.......
過左一陣, 我地醒起個餐既天婦羅未黎, 就追左一個叫Carmen既侍應, 點知佢竟然話:[吓?果個轉左做三文魚頭喇.]咁我問:[吓?從來無人話我知轉左窩! 落單果時又唔講!]佢就話:[唔好意思,因為果個餐都出左好耐, 係時候要轉下款.](咁都成理由?!你見悶話轉就轉?!)我答:[咁但係我可能唔食呢樣野架窩,你點可以轉左唔話我知先?頭先放低果個又唔講咩事!]咁佢淨係話唔好意思就行開左.
到埋單果時, 我就叫阿Douglas果黎, 問佢邊個係經理或者負責人, 佢話佢就係, 問我咩事, 咁我同佢講返件事, 佢就一味話:[唔好意思, 係, 我不嬲都有同D同事講叫佢地要同客人講話轉左.]咁我話:[但你就係無講嘛!我又真係唔食架窩(本人真係唔食呢樣野, 但屋企人食), 可能你講左我唔會叫呢個餐叫其他野.]佢就話:[咁一係我而家炸返隻俾你?]喂大佬我成餐飯都食完啦, 你而家炸返隻有咩用?(咁即係你係有蝦天婦羅架啦,咁點解你其實係有呢樣野,會無啦啦轉左呢? 點講都講唔通囉)我話唔駛, 不過呢樣野真係好有問題, 同埋我同佢講, 你個三文魚頭做緊特價, $28有三件, 但天婦羅蝦要$120五件, 咁而家轉左個餐得2件二文魚頭(只值$18.7,但天婦羅蝦一隻已值$24, 仲未計野菜天婦羅), 即係我點都蝕, 咁樣好唔公道, 咁佢就笑笑口話對唔住. (成個過程我見負責落單果個戴眼鏡扎馬尾既女侍應全程望住)
最後埋左單, Douglas行左去收銀處, 同果個落單女侍應講左幾句(我估大概係講返咩事), 個女侍應竟然仲係笑笑口咁....我見到真係好火滾! 呢d咩態度?做錯事仲笑笑口?咩意思?如果你話呢餐只係每人一百幾十, 我可以接受, 但呢餐竟然係索價$894, 每人要成$223.5, 完全唔值!!!!
Douglas最後話下次黎會送張9折卡俾我地, 但我真係好想問佢:[咁點解而家你又做唔到?](其實佢有類似解釋, 佢話因為9折卡呢個program係1月尾先會開始)之後阿媽話:[佢好明顯係知道你根本唔會再幫襯, 9折都慳返!] 又好o岩!邊有人投訴到咁仲會幫襯!!!我地一致認為佢分明係耍我地!!!!! 同埋我想問佢:[佢點樣會認得我地呢下次?]除非我within幾日又黎過既者?唔通我話我係上次投訴你果個?
補返講佢D野食, 食物一般, 唔算差, 但亦唔係咩特別好貨色,牡丹蝦$55一隻?峰壽司都係$35!!!
仲有就係, 成間餐廳好似唔夠冷氣咁.....好焗.......永不錄用!!!!!
如果講日本野, 我認為同區既活一鮮好佢好多, 淨係服務呢間井川已經無得比, 我上次只係同佢講話個牛肉烏冬d牛肉好"鞋"好難咬開佢已經即刻同我換過. 而且人地價錢平過佢, 每人大概一百尾.
張貼
