影片
更多
2024-05-21
320 瀏覽
今時今日點解仲要留港消費呢？🤔係愛❤️呀！為咗留港消費，今日嚟咗好耐都冇行嘅青衣城。好開心啲舊鋪仍然响度，但新鋪都有唔少。近期生煎包好hit，有幾間仲係長龍店。排隊就唔好喇！隨緣啦！行行吓就嚟咗堅信號，今日冇人排隊就一於試吓。眼見店內有幾張枱無人，加上門口冇人安排坐位，所以就直接行入去。點知俾個店員大大聲講：响出面撳飛仔呀！好啦！可能係規矩係咁，出去撳飛，唔駛半分鐘又入過去（我覺得多此一舉）。但行入去後，店員冇安排坐邊，我哋見有卡位就坐啦（因為買咗啲嘢，有一大袋）！點知店員又大大聲講：坐埋一邊。想轉去坐張細嘅二人枱，咁啱又俾人坐咗。算啦！算啦！唔知係咪錯覺，覺得啲店員個個都西口西臉，黑口黑面咁。Apps 落單，唔駛再面對啲店員，幾好！今日點咗幾款招牌。堅信號生煎包 包底煎得好脆，皮有啲厚，入面堅爆汁。又熱又爆，建議最好篤一個窿攤一攤，攤15分鐘左右先好食。肉餡結實，湯汁味濃，的確好食，難怪係招牌。灌湯小籠包皮薄爆汁，入口唔算好熱。一啖食滋味無窮， 個肉餡同生煎包一樣 ，所以味道，爆汁度同生煎包同樣出色。紅油韮菜餃子 紅油有少少麻辣，但配韭菜餃子，皮太厚個人覺得有啲怪。配返薄皮雲吞（抄手）
為咗留港消費，今日嚟咗好耐都冇行嘅青衣城。好開心啲舊鋪仍然响度，但新鋪都有唔少。
近期生煎包好hit，有幾間仲係長龍店。排隊就唔好喇！隨緣啦！行行吓就嚟咗堅信號，今日冇人排隊就一於試吓。
眼見店內有幾張枱無人，加上門口冇人安排坐位，所以就直接行入去。點知俾個店員大大聲講：响出面撳飛仔呀！好啦！可能係規矩係咁，出去撳飛，唔駛半分鐘又入過去（我覺得多此一舉）。但行入去後，店員冇安排坐邊，我哋見有卡位就坐啦（因為買咗啲嘢，有一大袋）！點知店員又大大聲講：坐埋一邊。想轉去坐張細嘅二人枱，咁啱又俾人坐咗。算啦！算啦！唔知係咪錯覺，覺得啲店員個個都西口西臉，黑口黑面咁。
Apps 落單，唔駛再面對啲店員，幾好！今日點咗幾款招牌。
堅信號生煎包 包底煎得好脆，皮有啲厚，入面堅爆汁。又熱又爆，建議最好篤一個窿攤一攤，攤15分鐘左右先好食。肉餡結實，湯汁味濃，的確好食，難怪係招牌。
灌湯小籠包皮薄爆汁，入口唔算好熱。一啖食滋味無窮， 個肉餡同生煎包一樣 ，所以味道，爆汁度同生煎包同樣出色。
紅油韮菜餃子 紅油有少少麻辣，但配韭菜餃子，皮太厚個人覺得有啲怪。配返薄皮雲吞（抄手）會好啲。
上海粗炒（套餐）麵條炒得乾身唔油膩，鹹味適中，一個人食絕對夠飽。套餐包一款小食（2個小籠包），凍飲 ＋$3。
單戀豆乳仙草凍就係豆漿加仙草凍，兩者配搭冇驚喜，唔明點解叫「單戀豆乳」，好肉麻。😅
總結食物質素係好嘅。但服務就強差人意喇！面對強大嘅競爭對手，除咗要食物質素外，仲要有服務態度。身為香港人固然對服務冇咩期待，但態度呢？可唔可以客氣少少，唔好將你啲壓力怨氣反映俾我哋「享受」得唔得呢？
張貼
