翟道翟 (已搬遷) 新店位置

今次係我第一次寫食評 因為搞到我辛苦病左幾日實在太嬲！早幾日去點左幾味送 覺得其中既生蝦、煎蚵仔煎同菠蘿炒飯係成因！個蚵仔煎太油又太炸 就似一塊海綿索滿哂油似的，食後極度不舒服 胃好似un住un住想反胃。另外個菠蘿炒飯：腰果不新鮮 完全不脆又林身，個飯同樣油溢滿飯，以上提及2樣食後極度不適完全想嘔！直到翌日終於發病 一開頭以為只是啲食物太油所以消化不良，全日食慾不振 直到出現嘔吐 沾寒沾凍 發燒 疲倦等症狀後，忍無可忍逼於無奈請半日病假去睇醫生，後診斷為胃炎！話生蝦含菌量高，亦有機會引致胃炎，但呢次並不是我生平第一食進食生蝦，若果真因生蝦而病發，為何之前我一直平安無事 係呢間食先會胃炎呢？相信都不言而喻。自問本人極少病 一年最多一次 通常休息一日已康復。但今次抖足2日仍未療癒，難食都不在話下，可見食物衛生質素如何。