影片
更多
2024-02-09
243 瀏覽
由2019開始都間唔中幫襯嘅舊客，冇估到宜家可以咁痴線。一入門口已經覺得不妙，食西餐嘅地方，門口擺個勁大但冇嘢嘅魚缸，唔知以為入咗水族館。坐低之後，上嚟OpenRice望兩眼，見到話呢到頂咗手，然後一堆負評，話食物難食、老闆要賺到盡，就更加驚，但心諗始終幫襯咁多年，畀次機會佢啦。叫咗兩個dinner set，餐湯一送上嚟，嘩，賣相好好喎，一飲，完全無味，好似飲緊生粉溝水咁；主菜，平心而論，其實ok嘅，只係對唔住人均二百五以上嘅定價，個牛排醬都係冇味，落咗蒜頭，變壞咗果種。湯唔惦，主菜尚可，咁試埋甜品啦。最經典嘅地方嚟啦，腦細話，唔好意思，冇晒甜品喇。我聽到之後，對眼差啲飛出咗砵蘭街，去到彌敦道盡頭。我入去之後，根本冇新嘅客人入過嚟，冇甜品，落單果陣你唔講？腦細問，張單九折可以嘛？其實計一計都知，我單點湯、主菜同飲品，個差價都唔只呢10%啦，但算啦，九折就九折。埋單前，腦細好似好有歉意咁走過嚟，送多兩杯餐飲畀我哋，如果個故事係咁完結，都算不過不失。但埋單後我對單，嘩，冇九折到喎。搵埋腦細，佢先係話自己唔記得咗九折，跟手補多句：「我送咗兩杯嘢飲畀你哋，諗住同甜品差唔多嘛。」Ok，即係連九折
一入門口已經覺得不妙，食西餐嘅地方，門口擺個勁大但冇嘢嘅魚缸，唔知以為入咗水族館。
坐低之後，上嚟OpenRice望兩眼，見到話呢到頂咗手，然後一堆負評，話食物難食、老闆要賺到盡，就更加驚，但心諗始終幫襯咁多年，畀次機會佢啦。
叫咗兩個dinner set，餐湯一送上嚟，嘩，賣相好好喎，一飲，完全無味，好似飲緊生粉溝水咁；主菜，平心而論，其實ok嘅，只係對唔住人均二百五以上嘅定價，個牛排醬都係冇味，落咗蒜頭，變壞咗果種。
湯唔惦，主菜尚可，咁試埋甜品啦。
最經典嘅地方嚟啦，腦細話，唔好意思，冇晒甜品喇。
我聽到之後，對眼差啲飛出咗砵蘭街，去到彌敦道盡頭。我入去之後，根本冇新嘅客人入過嚟，冇甜品，落單果陣你唔講？
腦細問，張單九折可以嘛？其實計一計都知，我單點湯、主菜同飲品，個差價都唔只呢10%啦，但算啦，九折就九折。
埋單前，腦細好似好有歉意咁走過嚟，送多兩杯餐飲畀我哋，如果個故事係咁完結，都算不過不失。
但埋單後我對單，嘩，冇九折到喎。搵埋腦細，佢先係話自己唔記得咗九折，跟手補多句：「我送咗兩杯嘢飲畀你哋，諗住同甜品差唔多嘛。」
Ok，即係連九折都覺得蝕畀我，要賺到盡，老千餐廳一間。
最後搞一輪，又話冇散紙又話呢樣果樣，先現金退返錢畀我。
果兩杯嘢？冇飲，沖到稀過佢個生粉湯，都唔知係咪特登。
張貼