潮福蒸氣石鍋 (已結業)

今晚我太太一班姊妹同佢慶祝生日，去咗呢間食蒸氣火鍋。簡直一吐氣，價錢貴，但食材一般。貴都算，啲伙記簡直挑機，若果唔係有小朋友，我一定講粗口。經典例子有...例一，小朋友用點心紙劃畫寫字花咗和撕開咗一半，於是要求一張新，但個阿姐目有兇光瞪著小朋友，部長也來到呆咗企係度，另外還有兩個指來指去細細聲講。跟著俾嗰張新，仲要好唔願意嗰隻。嘩，咩事呀，張點心紙好貴咩？例二，問部長有咩粥底揀，佢就話，你哋揀海鮮揀得小，粥底唔會甜，你哋揀多啲先啦。呢句說話，擺明話我哋揀得少，係少，只order咗三款。聽佢咁講，係咪話唔妥我哋無叫多啲海鮮。手掌咁大一塊龍躉要四百幾，普通size海蝦八隻二百四，真係揀唔落手。例三，要枝芬達橙汽水，阿姐問番轉頭係咪要枝一般既汽水。唉，芬達唔係一般既汽水咁係咩！例四，生日蛋糕想㸃爉光，問正一位女部長有無火機，佢率直個性地回應「我唔食煙所以無火機」跟著想走。於是我哋叫佢問吓其他人有無或你哋酒家有無火機借一借，佢話「唔知喎，問吓先」跟住好耐都唔見人。例五，見住我哋影相和切生日蛋糕就一路收哂我哋啲筷子碟，但願來唔會俾番啲新碟我哋。咁點食？用手食？無侍應會理你攞。最終求人不如求己，都