亮明居 (已結業)

打完波，靚女想食川菜，要揀一間環境好、坐得舒服的川菜館，第一時間想起亮明居。兩個人，未夠六點半就去到。可能時間尚早，沒有太多客，仲可以揀坐位。選好位置後，仔細睇餐牌選擇心水食物。經一番商議後，可以點菜了！要一客拼盤(可選三款餸)、魚香茄子和水煮桂魚，另兩杯果汁。拼盤首先送上，我們選的是鵝肝、灯影牛肉和蒜泥白肉。拼盤用一長碟上，每款的份量都只得一丁點，如只有一小片鵝肝夾著餅乾，兩片灯影牛肉及兩小小件的白肉，收$120肉乎有點過份。先不理它，吃了再算，鵝肝有點酒味，味道頗特別，不過我就不懂欣賞；灯影牛肉，比云陽閣的做得更薄，是真的晶瑩剔透，辣味不重，合個人口胃；蒜泥白肉是白肉包暮蔥，卻吃不到蒜泥味。總括來講，呢味菜味道可接受，份量卻過份地小。水煮魚賣相相當吸引，服務員亦細心地說旁邊的兩件麵粉狀之類的東西可以解辣，未食亦很滿意。味道方面，麻辣味對辦，魚肉亦唔會散，下面有些少金菇菜吸了汁的精華，感覺刺激；另一道菜魚肉茄子也幾入味，只嫌未夠香口，否則會更好。吃著看著迷人的維港境，談天說地，繁重的工作壓力頓時消失，真不願離開。恆生白金卡九折優惠。