影片
更多
2021-08-28
37 瀏覽
之前經過山林道已經見到新開左好多間餐廳 今次呢間Cafe外觀幾令 俾佢地吸引左 見佢地既食物飲品甜品都好岩晒影相打卡 但一直都未有機會試到 咁今日就出開佐敦就諗住去試下 我地星期五夜晚七點左右去到餐廳 店員問我地有冇訂位 冇既話就得返靠近門口個兩張Bar枱 其他枱都留返晒俾訂左枱既客人 咁我地就冇乜所謂 反正食完就走 而且bar枱張櫈都幾舒服 隔左冇幾耐啲客都開始黎 餐廳都坐滿晒 餐廳既選擇都有好多 主食有意粉 全日早餐 漢堡包 扒 意大利飯 仲有好多甜品飲品小食 有窩夫 班戟 吐司 蛋糕等等……食物同飲品種類既選擇真係有好多好多 我地最想食既西班牙厚切豬鞍扒竟然冇 店員話未返貨 咁就唯有揀其他 我地唔太肚餓既關係就揀左叫小食同甜品 小食叫左一份蒜蓉牛油焗單骨雞翼 一份應該係有四隻雞翼 單骨雞翼好方便進食 一咬就咬到 炸到金黃色 食落好香口 塊雞皮係脆既 仲有好多好多既蒜蓉牛油 好香好好味 但就比較多碎骨 食既話要好小心 另外仲叫左份芝士肉醬薯條 我地落單時麻煩左店員幫我地將個醬分開上 自己中意點幾多就點幾多 好驚喜既係個芝士肉醬好好味 酸酸地 再配埋薯條好夾好好味 薯條係用粗身既薯條
我地最想食既西班牙厚切豬鞍扒竟然冇 店員話未返貨 咁就唯有揀其他
我地唔太肚餓既關係就揀左叫小食同甜品 小食叫左一份蒜蓉牛油焗單骨雞翼 一份應該係有四隻雞翼 單骨雞翼好方便進食 一咬就咬到 炸到金黃色 食落好香口 塊雞皮係脆既 仲有好多好多既蒜蓉牛油 好香好好味 但就比較多碎骨 食既話要好小心 另外仲叫左份芝士肉醬薯條 我地落單時麻煩左店員幫我地將個醬分開上 自己中意點幾多就點幾多 好驚喜既係個芝士肉醬好好味 酸酸地 再配埋薯條好夾好好味 薯條係用粗身既薯條 但失望既係份薯條黎到既時候已經係凍 唔係熱辣辣 不過都ok既
甜品叫左個法式多士配生果伴雪糕 製作時間預返三十分鐘 雪糕可以揀朱古力 雲呢拿 抹茶同埋仲有一款唔記得左係咩味 我地就揀左抹茶 岩岩我地食完兩個小食個甜品就到左 雖然甜品望落賣相麻麻 但食落都幾好味 多士煎到金黃色 偏淋身 食落甜甜地 再加埋雪糕同忌廉幾夾幾好味 抹茶雪糕好大球 好重抹茶味
飲品叫左一杯蝶豆花柚子梳打同埋一杯蝶豆花牛奶 兩杯飲品都係藍色既蝶豆花 賣相好令 岩晒打卡 不過蝶豆花不嬲都係冇味 飲落正正常常 冇乜特別
整體黎講 環境幾令 食物普普通通 味道正常 價錢合理 都可以一試
蝶豆花柚子梳打
$46
3 瀏覽
0 讚好
0 留言
蝶豆花牛奶
$46
192 瀏覽
0 讚好
0 留言
芝士肉醬薯條
$68
16 瀏覽
0 讚好
0 留言
蒜蓉牛油單骨雞翼
$58
15 瀏覽
0 讚好
0 留言
法式多士配生果伴雪糕
$70
10 瀏覽
0 讚好
0 留言
張貼
