皇御園 (已結業)

來到九龍灣，想搵下啲新鮮感，除咗去megabox、德福廣場之外，就嚟咗呢間皇御苑試下。 位置唔算特別方便，但係勝在有停車場，揸車去就冇問題。酒樓樓面面積唔算大，但勝在樓底高，空間感算唔錯。 冷氣夠凍但係風口直吹住頭頂，問過職員可唔可以熄細少少，但佢哋話冇得校。開咗壺茶，我哋叫咗三碟菜。本來想叫多兩碟，但係佢哋都話賣曬。整體不過不失，但應該只會幫襯一次 — 酒店價錢，但食物水準、份量一般。職員服務參差，有個短髮阿姐幾專業，但係有個講普通話口音嘅就好麻麻，比起普通街邊酒樓要差一啲，難免扣分。