渝薌烤魚

營業中

休息中

尋晚3人行去食飯，今次係第２次食。其實第一次食覺得好好食，所以今次介紹埋俾朋友食。我地首先叫左一大條香麻辣烤鉗魚，烤魚仍然係好味，ｋｅｅｐ到水準。我地今次叫左窩荀、蘿蔔、金針茹、酸菜同幼薯粉。幼薯粉真係好明智既選擇，撈埋ｄ汁食好好味。窩荀、蘿蔔、金針茹平平，酸菜唔酸既，仲要好咸食完烤魚，我地再叫左個田雞泡飯，其實ｄ田雞一食就知道係雪藏的，都好明白會用雪藏田雞煮，但menu係寫新鮮架嘛，你自然會有期望另外小食叫左個海蜇皮蛋，呢個高質，皮蛋無臭味，加埋海蜇爽脆，陣陣麻油香，呢個有８０分。最後食埋串燒，叫左雞軟骨、羊、豬頸肉、原條茄子、白鱔串...最串係白鱔串，四十幾蚊得3小塊，其他都唔平，但份量少得可憐。最好食只得白鱔串同埋原條茄子，其實真係麻麻地。同埋...我未見過咁細件既豬頸肉...媽呀...有種被搶錢的感覺。