如一

營業中

休息中

今晚同屋企人食生日飯，朋友推介下揀咗「如一」。一行七人，預先已經訂咗以下菜單，包括杏汁花膠白肺湯，欖角骨，蝦乾魚肚浸時蔬，豉油皇海花蝦，薑蔥焗鮑魚煲，粟米斑塊，瑤柱豆苗，焗魚腸同椒鹽白飯魚。餐廳安排咗獨立房俾我哋，坐得舒服啲，亦冇出面咁嘈，方便傾偈。侍應招呼都ok, 有禮貌。可能一早預訂，上菜速度算好快，只係兩個菜就等得比較耐。杏汁花膠白肺湯好正，唔特別鍾意食豬肺嘅我都覺得唔錯。欖角骨，豉油皇海花蝦，焗魚腸整得ok好味。焗鮑魚煲，粟米斑塊同瑤柱豆苗正常發揮。