京都大酒樓

營業中

休息中

估唔到呢間平民酒樓食物有驚喜全部新鮮，熱辣辣味道唔錯，酒樓非常之大間，平日午市都非常多人。咁啱剛剛完咗早市，仲有啲特價蒸飯叫賣中，我哋就叫咗一個鳳爪排骨飯$14.8，非常之抵食😍瓦煲裝着夠熱辣辣，排骨夠腍，鳳爪入味。午市仲有點心自選百搭孖寶$52.8！都有唔少選擇！我哋叫咗2份孖寶：菜苗餃、燒賣、牛肉腸、虎皮椒。菜苗餃大大粒，入邊充滿菜苗同蝦，蒜蓉味香濃。燒賣熱辣辣，豬肉幾腍幾香。牛肉腸腸粉夠滑，入邊有少少芫荽香，但係唔會太重味。虎皮蕉估唔到咁出色，夠香辣惹味，魚肉脹卜卜，而且煎得夠香。見到燒BB乳鴿只係$38/隻，叫咗一隻。呢個有驚喜😍乳鴿外皮有油香又脆，肉質嫩滑，抵食呀！