青花亭 (已結業)

$68水清沙幼使乜坐飛機真心係幾靚，用嚟打卡係一流！但其實藍色嗰啲係乳酪，原味乳酪冇咩特別，之於啲朝果都係正正常常。不過最令人估唔到嘅係啲新鮮生果，因為係雪過入冰格雪到硬硬地，好正！$128 雞胸意大利飯雞胸唔滑，我覺得如果換成雞脾會好啲，最少會滑啲。個蕃茄醬係唔錯，酸酸甜甜！但啲飯就麻麻地，有啲太淋唔似意大利飯應有嘅硬度。$128 露筍黑松露鮮蛋麵蛋麵好高質，軟硬適中而並好香蛋味。露荀煎得啱啱好，夠嫩但又唔過淋。好多黑松露同蘑菇，份量好足夠。$58 黑松露薯條比我想像嘅份量多好多。有芝士碎鋪面，份量唔少，值得一讚。黑松露都唔算少，但黑松露味唔重。薯條不過不失。唯一嘅缺點係個醬，因為個醬係最普通嘅沙律醬。酸酸地嗰款，成件事好唔夾，唔好味。不過價錢係幾平，因為好多餐廳嘅黑松露薯都講緊$90起 。環境方面都屬於中上。碗碟係有特色係幾靚嘅。服務態度我覺得正正常常，因為我有見到有人話過青花亭嘅服務態度好差，但今日去又冇呢個感覺。