一喜 (已結業)

中環街市 ，活化之後多咗好多唔同嘅小食肆 ，中西各國東南亞食品都有， 今日到訪剛好係下午茶時間， 有啲肚餓所以想食飽肚啲嘅下午茶 ，揀咗呢一間一喜， 下午茶嘅選擇算豐富，價錢四五十蚊至六七十蚊， 揀咗食神叉燒湯瀨粉， 同吉列豬扒擔擔麵， 碗叉燒湯瀨真係唔錯， 首先湯熱贏咗三分， 飲落夠味又唔覺得有味精，煎蛋有燶邊效果， 叉燒鬆軟亦係燶邊， 份量亦不少，問佢攞咗自家製辣椒醬， 加咗落去湯又香又好食， 非常唔錯。 擔擔麵方面， 就略嫌湯底太濃味， 亦偏鹹， 但麵質爽滑， 吉列豬扒外脆內軟， 算係整體都可以。