影片
更多
2008-08-15
5 瀏覽
七月三十日, 睇完戲, 陪老公落咗旺角買嘢, 跟住當然要諗吓食乜啦! 點知係呢個時候見到《一壽司》既海報大大隻字寫住十點後半價!嘩! 唔係呀! 都差唔多十點, 又未食正餐, 諗得過喎!行到去攞飛時真係嚇一嚇, 要等成四十幾張二人檯呀!!不過唔太肚餓, 都可以等吓既! 最後等咗成個鐘先入得去食嘢...喺迴旋帶上見到呢碟咁肥美既「巨甜蝦壽司」($22), 當然唔會放過啦!跟住全部都係落 order, 因為等位時已經畫定晒啦!但可能太夜, 有好幾款壽司都賣晒, 如長腳蟹等等...先嚟「帆立貝壽司」($20), 都唔, 幾大隻, 新鮮度 70%。「火炙三文魚壽司」($12), 賣相幾靚, 但唔夠熱, 似燒定既!「三文魚三式壽司」($22 / set, 呢度有兩 set), 幾好味, 好抵食!!「蟹棒壽司」($14), 見冇晒北海道長腳蟹, 所以拎呢個頂住先, 普通啦!「車海老壽司」($18) 及「玉子壽司」($9), OK, 唔差既, 但某啲壽司店好食啲。「三文魚籽 & 蟹籽軍艦」($20), 賣相差少少, 但都幾鮮幾好味。「辣汁三文魚軍艦」($20), 少少辣, 都 OK。「海膽軍艦」($2
點知係呢個時候見到《一壽司》既海報大大隻字寫住十點後半價!
嘩! 唔係呀! 都差唔多十點, 又未食正餐, 諗得過喎!
行到去攞飛時真係嚇一嚇, 要等成四十幾張二人檯呀!!
不過唔太肚餓, 都可以等吓既! 最後等咗成個鐘先入得去食嘢...
喺迴旋帶上見到呢碟咁肥美既「巨甜蝦壽司」($22), 當然唔會放過啦!
跟住全部都係落 order, 因為等位時已經畫定晒啦!
但可能太夜, 有好幾款壽司都賣晒, 如長腳蟹等等...
先嚟「帆立貝壽司」($20), 都唔, 幾大隻, 新鮮度 70%。
「火炙三文魚壽司」($12), 賣相幾靚, 但唔夠熱, 似燒定既!
「三文魚三式壽司」($22 / set, 呢度有兩 set), 幾好味, 好抵食!!
「蟹棒壽司」($14), 見冇晒北海道長腳蟹, 所以拎呢個頂住先, 普通啦!
「車海老壽司」($18) 及「玉子壽司」($9), OK, 唔差既, 但某啲壽司店好食啲。
「三文魚籽 & 蟹籽軍艦」($20), 賣相差少少, 但都幾鮮幾好味。
「辣汁三文魚軍艦」($20), 少少辣, 都 OK。
「海膽軍艦」($28) 及「鱆紅魚壽司」(18), 幾好味幾鮮, 合格。
「火舞黑蜘蛛卷 (炸軟殼蟹 & 三色魚籽」($28), 都唔算喎, 啲軟殼蟹仲暖暖哋架! 又夠脆!
「海膽拖羅壽司」($35), 都唔錯喎! 賣相仲幾靚仔添!
「劍魚黑魚籽軍艦」($26), 都合格既, 但冇乜味。
「初吻」($18), 即芒果三文魚青瓜卷, 呢個出奇地好清新, 好好味!!
「蟹膏軍艦」($22), 料都幾足, 但食落真係唔冇乜特別。
「蟹膏甜蝦壽司」($22), 啲蟹膏有同冇都冇乜分別, 但隻蝦幾好味。
最鍾意呢度可以睇住啲靚魚游嚟游去咁食嘢, 食都食得開心啲啦!
最後埋單 $222, 食咗十七碟壽司, 仲要多數都係靚壽司, 以嚟個價錢嚟講真係好抵!
睇吓! 真係勁多人等位架!! 我諗下次再去, 要早啲去攞位先得!!
更詳細資料及圖片請看 : http://hk.myblog.yahoo.com/joycewai616/article?mid=9713
張貼
