影片
更多
2022-10-31
3400 瀏覽
禮拜日下午去食呢間餐廳，無咩人，環境安靜。落order個陣呢間餐廳嘅waitress話無提供tap water，佢地有個$20 嘅still/sparkling嘅free flow，無論幾多人一台都係收$20，我地無叫野飲所以都有要佢地呢個free flow。我地叫左以下既菜色：法式藍帶雞排 Chicken Condon Bleu $208一道都幾經典嘅法國菜，用豬/雞包住火腿同埋芝士然後外面包麵包糠攞去炸。我之前淨係食過藍帶豬扒，所以今次見到用雞扒都想試下。雞扒唔會煮得太老，包住嘅芝士亦都溶曬有流心嘅效果，外面個層麵包糠好薄，亦都炸到好脆，唔會同雞肉分離，味道相當唔錯。伴碟嘅幼薯條就正常發揮。7/10牛腹扒9安士 Beef Hanger (250g) $258我地叫左medium rare，上碟個陣都見到入面係粉紅色，肉質幾嫩，處理得幾好，不過外層嘅sear就做得唔算好，唔係好脆，不過overall以呢個價位嘅牛扒黎講已經幾好食。7.5/10煙肉洋蔥炒薯仔粒 Fried Potato Cubes $68塊牛扒無side dish所以就叫左呢個，薯仔粒有D煙燻味，不過外層唔夠脆，亦略嫌
我地叫左以下既菜色：
法式藍帶雞排 Chicken Condon Bleu $208
一道都幾經典嘅法國菜，用豬/雞包住火腿同埋芝士然後外面包麵包糠攞去炸。我之前淨係食過藍帶豬扒，所以今次見到用雞扒都想試下。雞扒唔會煮得太老，包住嘅芝士亦都溶曬有流心嘅效果，外面個層麵包糠好薄，亦都炸到好脆，唔會同雞肉分離，味道相當唔錯。伴碟嘅幼薯條就正常發揮。
7/10
牛腹扒9安士 Beef Hanger (250g) $258
我地叫左medium rare，上碟個陣都見到入面係粉紅色，肉質幾嫩，處理得幾好，不過外層嘅sear就做得唔算好，唔係好脆，不過overall以呢個價位嘅牛扒黎講已經幾好食。
7.5/10
煙肉洋蔥炒薯仔粒 Fried Potato Cubes $68
塊牛扒無side dish所以就叫左呢個，薯仔粒有D煙燻味，不過外層唔夠脆，亦略嫌油左小小，勉強合格。
6/10
艾菲爾朱古力批 Chocolate Fondant Tart $88
呢個甜品雖然話係批/撻，但其實係一個心太軟加牛油撻皮，心太軟嘅部分做得幾好，朱古力味幾濃，唔係得個甜字，我地食個陣仲係暖暖地，中間亦都有流心效果。不過美中不足嘅地方係佢配左朱古力雪糕，雪糕加心太軟一齊食個陣，完全食唔到雪糕嘅味道，跟雲呢拿/士多啤梨雪糕應該會夾D。
7.5/10
張貼