影片
更多
2021-06-18
627 瀏覽
因為openrice外賣自取有折，加上不同日子不同信用卡有額外優惠，所以已經幫襯過好幾次，而今次點櫻花蝦脆皮蝦腸同龍門鴛鴦炒米（細份），因為滿$80用MasterCard減$20，埋單係$68.5。蝦腸嘅腸粉皮係傳統香港式比較厚，唔係石磨腸粉咁薄，但裡面嘅蝦肉餡好飽滿同仲脆脆地，同埋估唔到咁大碟，食完碟腸粉都已經飽飽地。鴛鴦炒米係我嘅至愛，係粉絲加米粉，有幾隻中蝦、魷魚絲、叉燒、香芹等好足料，最重要炒得好香乾身唔油，雖然係細份但都有大半盒，最後食唔哂，要留返一半第二日食。依家直接去酒樓買外賣全日都有58折，好抵食！
蝦腸嘅腸粉皮係傳統香港式比較厚，唔係石磨腸粉咁薄，但裡面嘅蝦肉餡好飽滿同仲脆脆地，同埋估唔到咁大碟，食完碟腸粉都已經飽飽地。
鴛鴦炒米係我嘅至愛，係粉絲加米粉，有幾隻中蝦、魷魚絲、叉燒、香芹等好足料，最重要炒得好香乾身唔油，雖然係細份但都有大半盒，最後食唔哂，要留返一半第二日食。
依家直接去酒樓買外賣全日都有58折，好抵食！
張貼
