M Kitchen (已結業)

今日去咗千色匯, 見M kitchen 咁多正評, 決定試一試呢間中西fusion餐廳。點咗兩樣嘢, 一個係龍蝦蘆筍伊面, 另一個係炸雞脾。龍蝦整隻上, size還可以, 但湯底略鹹, 而且龍蝦肉太韌, 以$228呢個價錢, 有啲失望。炸雞髀份量超巨型, 幾乎係一般雞髀嘅兩倍size, 超出預期。而且雞肉有汁, 唔算太乾, 值得推介。另外職員服務態度很好, 每人派了一個紙袋裝口罩, 食龍蝦時職員亦主動攞咗蟹鉗夾。整體分數5分值3.5。下次會再幫襯, 試吓其他食物。