Day and Nite by Master Kama (已結業)

關西大阪燒$65呢個味道正常，但覺得個底太油🙈煙肉蘑菇忌廉汁意大利麵配62℃溫泉蛋$68味道唔錯，不過個汁稀左少少，溫泉蛋的生熟度都適中，切開後係流心既。燒美國豬肉眼配露荀甜椒意大利飯$88呢埋豬望落無咩燒過既感覺，不過食落唔會鞋，意大利飯的味道ok，不過有啲啲硬。意式龍蝦海鮮薄餅$188 一開始賣相好好咁，但影完相就發現龍蝦係得個殼用嚟裝飾既，成個薄餅都搵唔到有龍蝦肉😢😢唔通用左來整龍蝦汁？🤔其他海鮮粒主要係蝦仔同魷魚，食落無咩味。呢間食物質素真係嘛嘛，不過坐得幾舒服。