小食糖 (已結業)

琴日同朋友入尖沙咀想揾間黃店食下，以前係觀塘食過小時光體驗唔錯，今次見到類似嘅店都想試下，話哂商場入面嘅食店應該唔伏掛。同小時光唔同嘅，呢到要自己揾位坐再岀去叫野食，that’s fine，Ikea eurogogo 都係咁我同朋友叫左個牛肉麵同炸雞扒麵加兩杯凍珍珠奶茶，盛惠二百幾蚊。叫完比左部機我地，整好就會振。大約 20 分鐘後就整好攞餐，跟住我地開動了。點知......個牛肉麵份量非常少，舊牛肉無彈性又冧，珍珠奶茶珍珠無彈性而且奶茶好淡，飲落去只係有少少奶茶味嘅水，基本除左個炸雞扒味道正常外，都無咩原因值得讚。我同朋友最後失望咁食左個細麵，幫佢擺返個盤就走，成間店無服務都算，食物低水準低質素，價錢又唔便，建議大家唔好食。