川婆婆 (已結業)

一向好鍾意食辣，一見到新開急不及待來試。專登揀平日lunch剛開門時間黎慢慢嘆！明明話12:00開，但12:20到門口都未見開門、門口有幾組客人望望下等......企咗一陣到12:30都未見開門，打個電話一問下 原來已經開咗，但無提供lunch set ，無問題我同朋友都係為咗食麻辣火鍋。店員接過電話出黎迎接先發現門仲鎖上未開，尼點令人不解，無lunch set都要做生意的！？終於到點餐環節，餐牌上有好多選擇，2個人點咗11樣野，太開心沖昏頭腦，叫得太多點咗鴛鴦鍋，一邊麻辣 ，一邊雜菌雞湯溫馨提示⭐️⭐️如果2個人食點咗麻辣湯可以不用點鴨血及硬豆腐，鍋中已有份量夠食。落咗單出去攞醬料，只見幾款似系用淨隔夜的料，醬料仲未出齊👎🏼中途要求店員加湯，只見店員態度散漫，應對不夠積極...等咗好一陣發現員工及負責人對湯底都唔多了解，要研究點加湯，或許店尚算新開欠缺對職責了解👎🏼👎🏼食途中再觀察店員工作，眼見客人不多只有數枱，照計應該係輕鬆工作時段，但未見店員投入工作，主動性不足，應對方面面唔夠爽快，但態度尚可！☝🏼以上服務方面有待店方磨合及改善。總括而言食物質素好新鮮，份量都多，湯頭味道好岩口味👍🏼