Cafe Pho 1975 (已結業)

呢間嘢不嬲都麻麻哋，不過星期六想食個早餐周圍都等位，見佢唔使等位，又俾多次機會佢。叫咗個越式牙車快沙律，配熱鴛鴦，$48。一上枱，真係俾佢嚇親，個碟周圍都係水，感覺好唔衛生，唔知佢係洗乾淨咗冇等佢乾就用，定係點，總之就係嘔心。可以留意吓個碟邊位置，連塊麵包都整濕埋，咁樣都可以上枱俾顧客，對自己出品真係一啲要求都冇。叫個店員過嚟睇，佢話肯定啲碟有洗….味道方面，朋友食豬扒麵凍奶茶，豬扒麵個湯底類似清水，凍奶茶茶味很淡。我個杯熱鴛鴦，都係好淡，茶味同咖啡味都不足。另外間餐廳嘈到不得了，啲枱又好密。不會再去了。