Catee (已結業)

今日情人節前夕，我同女朋友去左荃灣呢一間餐廳食飯，之前行過都有留意呢間餐廳，今日終於可以一嘗。首先入到鋪內，裝修唔錯，燈光柔和，氣氛幾好，有好多貓嘅飾品擺設，非常別緻。我地叫左兩個主菜，另加50蚊升級做套餐，有沙律/湯/包/飲品/甜品。價錢一般，唔算太貴，但野食嘅味道，質素只可以講差，要知道，如果啲野係難食，俾1蚊，都覺得貴，以下有果句講果句。唔該落面撈時，打好小小，食到有麵團粒不過不失。味道比較淡，女朋友形容似水我成個餐牌都搵唔到啲靚扒食，唔係澳洲就美國。我叫5成熟，黎左7成，而且係扒爐煎完再入焗爐，間鋪唔係大，點解唔可以用煎pan每件用牛油蒜，百里香去煎呢？貪方便。啲扒冇牛味，鹽同黑椒都要我問侍應拎，個燒汁，黃汁粉開水，一啲肉味都冇，仲有啲薯泥，孖薯粉權頭開水，俾多少少水啦，裡面仲有粉。鱸魚皮本身帶有苦味，點解成碟野檸檬都冇舊，仲有嘅係，煎魚跟燒汁？師兄冇野嗎？呢件野需然簡單 但幾好食👍🏻不過叫貨成品難食都有個譜。總結，食物質素未如理想，只能形容為高級茶記質素。鋪內裝修唔錯，但近門口位牆上嘅假草，有啲格格不入。唔想租約滿執粒，咁就快啲搞搞啲食物質素啦。