影片
更多
2022-09-17
847 瀏覽
臨時同朋友想打邊爐，想支持下呢間餐廳好耐，於是特登約埋去食。 不嬲唔點寫食評，但係我真心要講下呢次唔尋常既用餐體驗。（有關服務）晏晝3:30 入場，基本上都估到無咩人，一入去，未入座前，有個黑面女員工問：「你地食餐定打邊爐？」我地話：「未知喎，第一次食，我諗打邊爐啦…」之前打過去，員工話下午5 點前有午餐，一坐低，我地發現無午餐餐牌，又想了解下，就問同一個阿姐。 點知阿姐黑面同語氣極差咁話：「頭先問你地，你地又話打邊爐？」之後成餐飯，呢個女員工既態度都好差好差，其實成個場又咁少客，究竟佢發生咩事好似要趕客咁既樣？ 呢間餐廳，原來打邊爐既枱係唔比人叫午餐？ 講真，鬼有人知你既午餐唔係有打邊爐？ 我地唔會知你地餐廳呢個不明文規定，再講，位都未坐好，餐牌都未有，點知有咩揀？ 唔講我以為自己食免費野要睇佢面色做人。 成個用餐時間完全無正常打邊爐餐廳會提供既任何服務可言。（有關食物質素）叫左個川芎白芷魚頭湯鍋底，奶白色到好古怪，可能係用粉溝出黎(?)，認真麻麻地。叫左個牛肉（匙皮拼吊龍），肉解雪得唔夠，一片一片硬既，肉唔似平日食開既匙皮同吊龍既口感，係鞋口同靭，好怪。 點解一間打邊爐既餐廳可以
（有關服務）
晏晝3:30 入場，基本上都估到無咩人，一入去，未入座前，有個黑面女員工問：「你地食餐定打邊爐？」
我地話：「未知喎，第一次食，我諗打邊爐啦…」
之前打過去，員工話下午5 點前有午餐，一坐低，我地發現無午餐餐牌，又想了解下，就問同一個阿姐。 點知阿姐黑面同語氣極差咁話：「頭先問你地，你地又話打邊爐？」
之後成餐飯，呢個女員工既態度都好差好差，其實成個場又咁少客，究竟佢發生咩事好似要趕客咁既樣？
呢間餐廳，原來打邊爐既枱係唔比人叫午餐？ 講真，鬼有人知你既午餐唔係有打邊爐？ 我地唔會知你地餐廳呢個不明文規定，再講，位都未坐好，餐牌都未有，點知有咩揀？ 唔講我以為自己食免費野要睇佢面色做人。
成個用餐時間完全無正常打邊爐餐廳會提供既任何服務可言。
（有關食物質素）
叫左個川芎白芷魚頭湯鍋底，奶白色到好古怪，可能係用粉溝出黎(?)，認真麻麻地。
叫左個牛肉（匙皮拼吊龍），肉解雪得唔夠，一片一片硬既，肉唔似平日食開既匙皮同吊龍既口感，係鞋口同靭，好怪。 點解一間打邊爐既餐廳可以有呢個牛肉質素？真心唔合格。
其他野食都係平均以下既水準，完全無特式，加上咁「優質」既服務，真係一絕。
（有關價錢）
一個川芎白芷魚頭湯鍋底、一份生菜、一份魚皮、一份牛丸、一份大既匙皮拼吊龍、一份墨魚魚腐。 誠惠882 大元，睇左張單驚見呢個價錢已經65折後。 真心驚驚，抵唔抵大家就見仁見智啦。
（後記）
本來因為情感去支持呢間餐廳，失望至極。
話自己有心係好，但起碼做間餐廳，食物同服務係最基本要達到水準。 唔好同客人講有心就大晒，咩基本野都唔做好，又唔比人話得。 有心既餐廳我地支持過好多，呢間真係要好好反省一下。
川芎白芷天麻魚頭湯
12 瀏覽
0 讚好
0 留言
硬晒嘅「匙皮」拼「吊龍」
25 瀏覽
0 讚好
0 留言
比較對得住顧客嘅牛丸一份
19 瀏覽
0 讚好
0 留言
張貼
