真味鮮廚 (已結業)

真係好耐好耐冇飲茶啦， 一來疫情問題，二來時間唔夾，難得今日年三十早放，即刻同好同事沖過嚟茶樓食點心！呢間茶樓食物質素一向有保證，平時有下午茶就更加抵！不過今日年三十就冇咗呢個優惠，可能因為咁人流都唔算多，不過咁樣我反而食得更安心！最鍾意佢嘅金沙銀蘿腸，一絲絲嘅白蘿蔔，超甜又多汁，加埋少少蔥花仲有薄網脆皮，最外面包上腸粉皮，點埋鼓油完全係冇得輸！鮮蝦腐皮卷熱辣辣又脆卜卜，咬落都鬆脆，只係比較多油。其他食咪好似蝦餃，四寶雞紮等到保持一貫水準！