天機棧扒房 (已結業)

其實都幾怕星期六旺角嘅擠湧，但朋友中有人要求到旺角，無奈都要到此集合。另一頭痛位就係無訂枱搵餐廳食飯，有人提意行去登打士街尾那邊無咁多人，行行下見到「天機棧扒房」，大家就即管試試！餐廳環境暗暗的，可能想製造浪漫氣氛，但似乎跟浪漫仍有段距離，幸好多卡位，坐得都算舒服。服務方面就幾參差，一個叔叔服務員非常有禮周到，其他的就真係一般般！5人分別叫咗2個Set Dinner、3個咖哩Set 餐：每個餐都可選或有湯同餅乾條(無相)，我選紅湯就比較淡，只是一般。薯蓉焗田螺(set dinner頭盤)：細細杯兩隻田螺仔，無咩味但仲要唔夠熱！兩個set dinner主菜都係煎魚，已忘記係咩魚，魚質唔係滑嗰類，新鮮就講唔岀，但都煎得尚可，配以薯蓉，都叫ok。另三個咖哩餐，分別有牛扒、吉列魚、吉列豬，三個朋友嘅食評都話一般，不過咖哩汁有保熱住，誠意可嘉！Set dinner有甜品，木糠布丁滑滑creamy，幾好、心太軟我輕嚐一口，覺得朱古力味唔夠香，好一般！最後各有餐飲一杯，全都正常，但凍飲的糖水有點重手，分開上會更好！其實睇得岀餐廳係好用心，每樣主菜都當作藝術品般呈現食客面前，但如果再加強食物質素，服務