屋子生活 (已結業)

平時好少黎呢頭，趁踩完單車順便黎試下🥰 店內環境一流👍🏻 以日式為主。樓底高之餘，又有大落地玻璃；日間光線十分充足。最大賣點係有榻榻米嘅座位😻可能因為我地去果陣5點左右，所以唔洗排隊～～ 仲可以自己揀位！！🦥🐈揀左坐榻榻米😆 一邊享受食物，一邊可以睇到人地踩單車；感覺好悠閑～讓人放慢步伐阿😌😌😌鰻魚丼💰78 鰻魚尚算肥美，食落無乜骨！但味道就偏鹹⋯醬汁太多搶走鰻魚味。七味雞唐揚丼💰69雞粒灑上七味粉，亦有配沙律醬；可惜炸粉太厚啦🥺 好彩白飯有加飯素，容易送飯。凡惠顧任何料理、麵類 +💰25可享味噌湯+沙拉+飲料一份(桂花烏龍茶/抹綠奶茶/美式咖啡)抹綠奶茶味道偏淡～～另外當日我地即時成為會員，消費滿💰200就送拿鐵咖啡一杯。小倉抹茶窩夫💰50份量相對小，不過味道、賣相搭救。甜甜嘅紅豆能夠中和抹茶雪糕嘅苦澀味，兩者同窩夫好夾😋 口感豐富！整體上中規中矩，環境真係好舒服，但食物質素有待改善。