農民泰菜 (已結業)

年幾前食過晩飯覺得麻麻，之後一直沒有再光顧，最近知佢係黃店，於是今日再去食lunch支持下，叫左青咖哩牛腩飯同香茅豬扒荷包蛋飯，加埋熱鴛鴦，三個字-好失望，咁耐都冇改善過啲廚藝，青茄哩水渦渦冇咖哩味，入面啲南瓜紅黃椒好似冇煮過咁，硬掘掘。香茅豬扒荷包蛋飯還可以，但豬扒冇乜香茅味，齋似一般煎豬扒飯。嗰杯熱鴛鴦超難飮，得個苦味似齋啡，多加少少奶應該賣相同口感會好啲。最後，寄語農民泰菜要加油，如果只係要食客支持黃店，而不顧食物質素，咁好難會長遠撐落去。最最後，俾多次幾會佢，臨走叫左個外賣雞肉炒金邊粉，加多$1有杯冰紅茶，好彩這個都唔錯，幾好味唔太油，杯冰紅茶唔會太甜，加返少少分