壹籠

營業中

休息中

疫情前去過一次，不知為何，一直都無再去，可能是店舖的位置（對於我來講）。昨日諗起去飲茶，突然再想起 壹籠。約9時到，不用等位，有數張2人枱可選用，不是暗角位，座位寛闊，枱與枱之間的距離亦足夠，出入方便。開始搵食，首輪叫：蝦餃，义燒包，棉花雞，米網腸。這裡點心，全部都係即叫即做。剛好我的位置睇到遠處點心部的運作，透明廚房。見到內裡的點心師父好忙，不停處理點心。首先來個米網腸，表皮好薄及滑，餡料豐富，內裡的油炸鬼仍是脆的，好好味。跟住來义燒包及棉花雞，义燒包個包鬆軟，餡料足。棉花雞就水準之作，兩粒冬菇，有香味，兩件雞，入味，兩條蟹柳，略為遜色，底層，全是花膠好滑好（林），味道調到剛好。最後，來蝦餃，外貌唔錯，因爲即蒸，一啖咬落，餡料足，有齊蝦餃應有的味道，淡淡筍香，清香蝦味，好食。既然如此好味，再下一城。這次叫 鹹魚肉片蒸飯，牛仔骨，露筍鮮蝦餃，鳳爪。蒸飯出色，飯底乾身，米就粒粒齊，蒸到剛好，面料正常，好食。牛仔骨，入味及（林），容易食，唔黐牙。露筍鮮虾餃，比起蝦餃，又另一番風味，好食。鳳爪，一般，但都好入味。整體來說，全部點心，調味適中，新鮮，用心製作。最後一個驚喜是……8個點心＋2人茶