Mango Tree Kitchen (太古城中心) (已結業)

其實最近都好少出街食飯。每日係屋企煮飯食都已經諗唔到煮咩食好！咁今日我地一家四口就黎左附近商場睇下有咩食，咁岩行過見到有間Mangotree 喎。之前係泰國食過但係香港就未試過，今晚一於黎試下有咩唔同啦！我覺得試完之後覺得仲好食過泰國嗰間😂😂唔知係咪香港呢間Mangotree 啲嘢食配合返香港人嘅口味！有啲食物味道辣味適中唔會太辣最適合我呢啲唔太食得辣嘅人😛同埋呢到一班員工服務態度都一流👍🏻👍🏻👍🏻我一家四口入面有一位小朋友，都未坐底就已經問我需唔需要BB櫈，令我最深刻其中一件事係有位啡長頭髮女同事，當佢拎BB櫈黎嘅時候我見到佢會消毒同埋抹一抹先拎過黎🥰🥰！我係其他餐廳都未見過會有員工咁做！仲有一位戴黑色眼鏡經理，係佢幫我落單，我覺得佢非常專業👍🏻👍🏻！對餐牌內容熟悉，因為我另一位小朋友唔係咩都食，所以出街食有時候都會較麻煩，好彩有呢位經理幫我！一次過就可以order晒啲嘢食。整體黎講非常好！下次一定會再黎！😍😍😍