海天花園酒家

營業中

休息中

今日四個人嚟飲茶！呢間酒樓裝修真係靚！俾佢氹左入嚟！一入到去就知道自己中咗伏了！首先reception個位女人，對客人無乜禮貌，寫張紙仔都多多聲氣，多多事實！如果唔可以寫就唔好放出嚟！另外食物質素唔理想，首先鹹水角皮太厚唔夠脆！隔離嗰個餅，成舊粉咁，以為自己食緊粉，只係賣相可以，唔合格！春卷太長，餡料OK嘅！都仲算脆！不過口感就真係麻麻地！只可以話勉強合格！炸兩，喺好失敗，成件油炸鬼，硬到咬起嚟都有d吃力！包住佢嗰條腸粉，非常普通！點心方面，牛柏葉唔夠味，唔夠濃！而且都唔係好夠林，鳳爪唔係好夠林，醬汁太結呢個流心包真係太甜，醬汁唔夠流心！而且唔係好足料！口感唔太好仲有叫咗牛肉球同鮑魚燒賣！賣相一般！味道一般！整體令人不滿意，食物好多味精、服務態度有待改進！