車品品小食 (已結業)

星期日打風，晚上人流少之有少，平日車品品總大排長龍，所以已經幾年都沒有再光顧，今日難得唔使排隊，點都要再去試試！😋一打開門老闆娘依舊親切地打招呼，亦熱心地向我地說什麼食品已售罄。很多新的特色小食，想試胡麻醬海蜤·海草沙律，可惜已售罄。這裡的飲品很多都係自家制，比較足料及健康。三溝碗仔翅併手打魚腐及生菜一望落去已經知好足料，但食落感覺太「杰」，而且味道非常一般，相比起十八座狗仔粉那碗鴨翅，無論香味及味道都實在太遠！望落平平無奇的車仔麵，一口先試湯底感覺不錯，濃濃的腩汁湯底配上少辣咖哩幾惹味，蘿蔔值得一讚，十分香甜可口但魚蛋既不彈牙又不爽口，比自己屋企煮的還要差!整體來說，老闆娘依舊熱情招待，例如食碗仔翅都會同我地講可以加菜圃食，亦提醒小心菜圃比較辣等等，小店人情味濃，但平心而論食物質素一般，如要大排長龍食的話更覺不值。