禮 (已結業)

今次已經係第二次嚟再食呢間居酒屋，環境食物質素都超高，超級值得推介！〈唐揚小池魚 〉🐟份量非常多，而且炸得非常香脆，而且唔會有魚骨，送酒一流。〈鹿兒島一口牛〉🐮牛味超濃，入口即化。〈姊妹芝麻雞翼〉🍗炸得超香口，但雞肉肉質依然保持得好嫩滑。〈日式煎餃子〉🥟皮薄餡靚，點埋七味粉豉油令味道更加昇華。〈極上黑豚腩〉🐷燒得超香，少少濃邊更加惹味，油脂分布啱啱好。〈味噌燒大腸〉🍲味噌湯加埋白蘿蔔同紅蘿蔔令到湯底更加甜，大腸份量好多，亦都清理得超乾淨，完全冇內臟味。〈京蔥雞肉串〉🐤雞肉超嫩滑，抹上燒汁加京蔥更加入味。〈雞肝〉🐥🫀雞肝塗上咗燒汁同七味粉，好濃味所以完全食唔到內臟味，口感粉嫩。〈鹽燒一夜干〉🐠燒得香脆，魚肉亦都好滑，最重要係唔多骨。〈眀太子油揚豆腐〉◻️豆腐炸得乾身香脆，燒明太子份量亦都好多，一咬落去兩者融合超級夾，最推介。〈「素」有馬山椒素肉〉🍢雖然係素食，但口感亦都非常似肉類，值得一試。