影片
更多
2017-08-07
802 瀏覽
近排天氣都好熱， 都唔適合做戶外活動， 喺北角睇完嘢之後 就去咗呢間餐廳食嘢喇。 呢間餐廳位置 有少少偏僻， 都係要望一望google map先搵到。餐廳座位不多， 起初我哋入到去都冇人招呼我哋， 仲有個店員迎面拎碟嘢出嚟比客人都當我哋無到 呢下嘢真係幾嬲 我哋準備離開之際有另一個食緊嘢嘅店員問我哋坐唔坐吧檯， 咁我哋就坐低咗試試。我哋order咗兩碟， 一款係all day breakfast，另一個係 omelette with toast。呢個all day breakfast都算係deluxe版本， 有三文魚精，ham， 黑松露蛋 ，蘑菇 等等。 睇落個賣相都唔錯， 不過都要128蚊㗎， 價錢都唔算平。 比較上係個蘑菇比較出色， 其他配料上算ok。跟住就係 omelette with toast。 奄列有芝士， 切落去仲可以拉絲， 感覺上都算落足料。 不過如果呢個餐都要98蚊呢（ 唔包嘢飲㗎）， 我就覺得偏貴囉。 同埋成個餐淨係得件蛋食， 食落咗都覺得有少少溜， 如果可以有啲其他配料嘅話會好啲。總結嚟講， 餐廳俾人感覺印像一般， 尤其是係店員視若無睹嘅態度。 至於食物 尚算可以
餐廳座位不多， 起初我哋入到去都冇人招呼我哋， 仲有個店員迎面拎碟嘢出嚟比客人都當我哋無到 呢下嘢真係幾嬲 我哋準備離開之際有另一個食緊嘢嘅店員問我哋坐唔坐吧檯， 咁我哋就坐低咗試試。
我哋order咗兩碟， 一款係all day breakfast，另一個係 omelette with toast。
呢個all day breakfast都算係deluxe版本， 有三文魚精，ham， 黑松露蛋 ，蘑菇 等等。 睇落個賣相都唔錯， 不過都要128蚊㗎， 價錢都唔算平。 比較上係個蘑菇比較出色， 其他配料上算ok。
跟住就係 omelette with toast。 奄列有芝士， 切落去仲可以拉絲， 感覺上都算落足料。 不過如果呢個餐都要98蚊呢（ 唔包嘢飲㗎）， 我就覺得偏貴囉。 同埋成個餐淨係得件蛋食， 食落咗都覺得有少少溜， 如果可以有啲其他配料嘅話會好啲。
總結嚟講， 餐廳俾人感覺印像一般， 尤其是係店員視若無睹嘅態度。 至於食物 尚算可以， 但因為佢價錢都唔算平， 食物又未至於有令人驚喜嘅感覺， 未試過嘅朋友都可以試下，但未必會再返轉頭幫襯囉。
張貼
