Catee (已結業)

荃灣美食一向多，今次同朋友黎食西餐。一入Catee，餐廳的環境跟外面的分別好大，好像去了電視劇那些外國餐廳般，如果menu同waitor都係寫/講英文，真係以為自己去左歐洲🤪我地一人點了一份dinner set，原來一個set已經有齊main dish、餐包、沙律、餐湯、飲品及甜品，都只係二百幾，其實好抵食。先來忌廉粟米湯，好香滑，忌廉好香。再來食包包，有黑醋+橄欖油點麵包食，黑色的包很特別。Waitress好細心，問我地係咪share，知道我地share食，主菜會逐碟上。先食汁燒魷魚筒釀海鮮意大利飯，魷魚🦑同飯的份量都好多！估唔到魷魚咁足料，飯好有嚼勁。食完呢個main dish 我地都飽左7成！😂😂😂另一個主菜係美國安格斯牛板胛，牛扒份量同樣好多😂仲有薯菜伴碟添。牛扒我地點了5成熟，食到好香的牛味，肉質很嫩。另外我地還點了香烤黃金帶子，呢個小食真係必點！帶子好易入口，好鮮甜，成舊都係肉，啖啖肉，好好食呀！我點的Oreo 奶昔，不會很甜。朋友點了藍莓乳酪，飲到有藍莓顆粒。最後還有朱古力蛋糕，朱古力味道很濃，蛋糕很滑。本來打算再叫份心太軟，但係已經超級飽，還是下次再來吃心太軟吧！