Moi Moi (已結業)

今期大佬請吃飯,梗係要食蠔啲啦！大家姐精心挑選左間高級越南餐廳，我地睇過下都覺得唔錯，就齊齊出發食好野啦！有人埋單我地點菜就放開手腳沒再看價錢了。首先來了四只大大只嘅炭燒北海道元貝。其實我對食物無咩要求，見到魚露兩個字我就當佢系正宗越南菜架喇！好香、好甜、好大只！同平時食開嘅真系有啲唔同，我仲忍唔住飲埋啲汁添！之後嚟嘅系米紙卷。酸酸甜甜，個汁嘅味好似同以前食過嘅有啲唔同。最後主菜我地要左個炭燒澳洲開邊蝦同越式燉雞槌。無錯，我們叫嘅都系比較細份嘅，無計，得四個人，雖然大佬請我地都會就住嘅。開邊蝦啲膏好濃好香，我地認唔住叫多個飯嚟送。好正！個雞槌我以為系好似小食咁，只是分量會大啲。。。但嚟到嘅時候，真系比佢surprise到！因為啲雞槌炆燉到變曬色，一夾就已經骨肉分離，好嫩滑入味！送飯一流！總體而言，呢間餐廳帶左唔少驚喜比我地。下次lunch再來試下先！