影片
更多
2020-11-18
701 瀏覽
<<Thursday Couple 為食記👣😋>> 黎到星期四，同男朋友嚟到元朗YoHo食呢間出名嘅上海菜，都係果句！呢排對上海菜非常上癮。黎到商場，跟住我哋都搵咗間野一陣，因為元朗唔係幾熟路，之後見外面好似冇乜人以為唔使排隊，點知原來都要等咗15分鐘先入到去，但我真係好肚餓啦！好想食晒啲嘢🤤😋😋😋入面真係好多人，不過多數都係一家大細嚟食或者一大班人嚟食，可能咁樣會食得多嘢啲啦！我同男朋友就兩個人擺咗一張圓枱，叫咗一壺茶，揀咗賽螃蟹，柱侯蘿蔔炆豬肉，一個奶油津白，一個金牌小籠包同埋一個想試吓個生煎小籠包，最後仲加咗兩碗白飯送飯。講真兩個人真係食唔晒，因為樣樣份量都唔細，但係嗰陣太肚餓，所以叫咗好多。不過我哋都冇做大晒鬼，食唔晒有打包㗎！🤘🏻首先呢就嚟咗個金牌小籠包果然冇令我哋失望，嗰皮真係好薄，啲湯裝滿成半個小籠包，一咬開啲皮跟住走啲湯就已經爆出黎啦！🤤男朋友直情咇左啲湯汁出枱面，果下我都O咗嘴🤣🤣🤣證明真係爆汁，而佢嘅調味，我就覺得偏向鹹啲少少，但整體覺得真係幾好食嘅⭐️而個生煎小籠包就用鐵板上嘅，上到枱面仲有渣渣聲，聞到好香嘅味，不過呢就比起金牌小籠包
黎到星期四，同男朋友嚟到元朗YoHo食呢間出名嘅上海菜，都係果句！呢排對上海菜非常上癮。
黎到商場，跟住我哋都搵咗間野一陣，因為元朗唔係幾熟路，之後見外面好似冇乜人以為唔使排隊，點知原來都要等咗15分鐘先入到去，但我真係好肚餓啦！好想食晒啲嘢🤤😋😋😋
入面真係好多人，不過多數都係一家大細嚟食或者一大班人嚟食，可能咁樣會食得多嘢啲啦！
我同男朋友就兩個人擺咗一張圓枱，叫咗一壺茶，揀咗賽螃蟹，柱侯蘿蔔炆豬肉，一個奶油津白，一個金牌小籠包同埋一個想試吓個生煎小籠包，最後仲加咗兩碗白飯送飯。講真兩個人真係食唔晒，因為樣樣份量都唔細，但係嗰陣太肚餓，所以叫咗好多。不過我哋都冇做大晒鬼，食唔晒有打包㗎！🤘🏻
首先呢就嚟咗個金牌小籠包果然冇令我哋失望，嗰皮真係好薄，啲湯裝滿成半個小籠包，一咬開啲皮跟住走啲湯就已經爆出黎啦！🤤男朋友直情咇左啲湯汁出枱面，果下我都O咗嘴🤣🤣🤣證明真係爆汁，而佢嘅調味，我就覺得偏向鹹啲少少，但整體覺得真係幾好食嘅⭐️
而個生煎小籠包就用鐵板上嘅，上到枱面仲有渣渣聲，聞到好香嘅味，不過呢就比起金牌小籠包嘅皮就厚啲喇，如果真係鍾意食小籠包嘅話，我建議大家都係叫返金牌小籠包會比較好，生煎嘅試一次就OK，唔係話好特別！
之後你嘅奶油津白同埋賽螃蟹都好好味！依兩個呢都係白雪雪係我最鍾意嘅顏色！🤍🤍奶油津白呢做到好幼滑，而且每條津白都好甜，好好味。賽螃蟹嘅味道都睇落去好似好清淡，但係其實好濃味，用料好豐富，佢加咗瑤柱同埋啲蟹肉，唔會有腥味但係就增加左一份鮮味，用嚟撈白飯真係一流！
跟住其實我哋都差唔多飽，但係個柱候蘿蔔炆豬肉仲未嚟，我哋就把心一橫，埋單，諗住唔要，但佢就話落咗單係真係要等30分鐘，所以我哋最後都係要咗，跟住佢哋就拎住一個火興住嘅煲出嚟，都幾靚㗎，同埋啲蘿蔔晶瑩剔透，加埋啲豬肉都好似好入味。我同男朋友就話咁不如試吓先啦，如果真係食唔晒就打包走。雖然好飽，但一食落去嘅時候覺得個調味真係好好，有啲甜，又有柱候嘅香味，而且感覺炆左好耐，加上佢用左火保持住佢嘅溫度，熱辣辣食，好正！豬肉亦都唔會乾柴，但係我哋真係食唔落啦。最後就打包比男朋友做聽日嘅午餐！
如果呢個蘿蔔唔係遲咗嚟我諗我哋應該會清晒，因為撈飯真係幾正！
而且男朋友話，第二日個蘿蔔同埋豬肉更加入味，仲好食左。所以我諗嗌外賣，然後第二日食都應該好好味🤣🤣🤪
張貼