火滾安哥雞煲酒館 (已結業)

安哥重新裝修，新店以火鍋同燒烤為主打。新店裝修好舒適。先唔講食物質素，呢度既服務態度真係滿分。每一個店員對待客人都好似自己朋友咁，就算係第一次黎，都會同你踫踫杯傾兩句，好親切🙌🏻叫左個二人套餐，💲398有火雞海鮮雞煲、火鍋拼盤同時令鮮菜盤。✨火雞海鮮雞煲同平時食開既雞煲好唔一樣。一般會加上唔同的醬料、有唔同的辣度。呢個就係品嚐食材既鮮味。雞煲既材料有雞件、蝦、豬膶、蜆、萵荀、木耳，蟲草花等。店員會倒入酒，再點🔥煮一陣就食得喇。食材鮮味十足，配上酒香，而且無一般雞煲既油膩感，又好味又健康。✨火鍋拼盤有手切牛、牛丸、魚蛋、豬皮。手切牛牛味非常濃郁，肉質軟腍，好好味。牛丸入面帶有牛脂粒，極香極彈牙🥹豬皮索哂鮮味湯底又係一流。✨時令鮮菜盤有生菜、娃娃菜、粟米、萵筍，全部好新鮮。點解個粟米可以咁甜🫢二人套餐加💲9️⃣8️⃣就可以有2杯生啤或黑啤。Suntory又幾好飲。另外再加多份稻庭烏冬（是必須的🤭）同埋烤雞泡魚干（芥末沙律醬好味）。