影片
更多
2019-07-16
2613 瀏覽
我無諗過去海洋公園都有好野食，我依舊停留喺一百蚊一碗叉燒飯度。本來無乜期望，結果食物質素係好驚喜！叫咗個二人餐，因為我地係包場，所以仲有個8折，折左少每人都係$300，喺海洋公園呢個質素，算好抵。二人餐有椰子雞湯，帶子沙律，燒龍蝦，菠蘿炒飯，串燒拼盤同甜品拼盤。菠蘿炒飯，二個人份量剛好嘅，除咗菠蘿之外，仲有啲海鮮帶子同蝦，腰果同類似臘腸肉。炒得乾身，啲飯亦粒粒黃色，幾好食。大大隻燒龍蝦，以呢個價錢黎講真係好抵食，每人一隻喎！不過係燒得燶咗啲。好彩嘅係無影響啲肉味，仲有大大舊膏。帶子沙律係整粒帶子，連同一啲柚子，酸酸地嘅柚子好開胃！椰子雞湯，呢個勁推薦！好香椰子奶味，入面仲有啲雞肉同草菇。雞肉好滑，配合埋個湯底，少少甜。串燒就有豬牛雞各兩串，沙爹似係自己調味。串燒樣樣都好食唔勃。我最鍾意係雞肉串。最後係甜品拼盤，我重點想講中間嘅脆皮芒果糯米飯。本來嘅芒果糯米飯都好香好食。但食得多都會膩呀，反而啲脆皮能平衡口感，我地每人食左半個都唔滯。其實呢度食物質素係唔錯架。可惜係服務上有少少問題。首先係門口等位，我地嗰晚都夜了，其實得番我地同另一組嘅二人枱，然後有兩張四人枱吉出。但帶位嗰個完全唔識變通
叫咗個二人餐，因為我地係包場，所以仲有個8折，折左少每人都係$300，喺海洋公園呢個質素，算好抵。
二人餐有椰子雞湯，帶子沙律，燒龍蝦，菠蘿炒飯，串燒拼盤同甜品拼盤。
菠蘿炒飯，二個人份量剛好嘅，除咗菠蘿之外，仲有啲海鮮帶子同蝦，腰果同類似臘腸肉。炒得乾身，啲飯亦粒粒黃色，幾好食。
大大隻燒龍蝦，以呢個價錢黎講真係好抵食，每人一隻喎！不過係燒得燶咗啲。好彩嘅係無影響啲肉味，仲有大大舊膏。
帶子沙律係整粒帶子，連同一啲柚子，酸酸地嘅柚子好開胃！
椰子雞湯，呢個勁推薦！好香椰子奶味，入面仲有啲雞肉同草菇。雞肉好滑，配合埋個湯底，少少甜。
串燒就有豬牛雞各兩串，沙爹似係自己調味。串燒樣樣都好食唔勃。我最鍾意係雞肉串。
最後係甜品拼盤，我重點想講中間嘅脆皮芒果糯米飯。本來嘅芒果糯米飯都好香好食。但食得多都會膩呀，反而啲脆皮能平衡口感，我地每人食左半個都唔滯。
其實呢度食物質素係唔錯架。可惜係服務上有少少問題。首先係門口等位，我地嗰晚都夜了，其實得番我地同另一組嘅二人枱，然後有兩張四人枱吉出。但帶位嗰個完全唔識變通，要㩒哂啲大枱同中枱飛，逐個逐個禁，每個number 又電腦系統咁嗌兩次，禁左成二十幾個number 先到我地。我同另外兩人反白眼到頭頂。另外就係上菜次序。唔好以為我上面亂晒咁寫，而呢個係佢上菜次序。希望佢地可以注意埋呢啲細微位。
張貼
