影片
更多
2023-10-26
565 瀏覽
平日午飯時間都會想黎食呢間，但都要靠彩數，因為店內位置不多，午飯時間都比較多人等位。今日幸運地有位唔使點等。今次分別叫左4款午市套餐，全部都會配紅白餐湯、餐包同熱飲，而且價錢由50蚊到60幾蚊不等，大份夾抵食。一般黎到都係簡羅宋湯，貪佢足料夠濃郁，唔係一般其他餐廳番茄溝水咁既味道，入面都有放到少少薯仔紅蘿蔔等等配料，餐包配左塊少少既牛油烘多士，好夠食。呢份係豬柳配薯菜($50)豬柳有3塊分量適中，但口感比較鞋，不太推薦，但想👍下蔬菜既部分幾多同埋係有煮過同調味。呢份係凡立貝櫻花蝦炒飯($55)飯粒粒分明，有鍋氣，凡立貝有3粒，櫻花蝦都唔少，調味剛剛好，好好食，推薦。呢份係慢煮雞胸田園沙律（$55）蔬菜新鮮，雞胸調味適中，但如果可以多D蔬菜或者有一粒水煮蛋更好，會健康得黎比較飽肚。呢份係紅酒燒汁燴牛肋條配薯菜（$58）牛肋條有3大塊，全部都炆的好入淋，醬汁味道都好夾，有少少似羅宋湯既味道，好好食，非常推薦一試。呢間冰室食物質素好好，價錢好合理，分量絕對夠飽，值得一試。
今日幸運地有位唔使點等。
今次分別叫左4款午市套餐，全部都會配紅白餐湯、餐包同熱飲，而且價錢由50蚊到60幾蚊不等，大份夾抵食。
一般黎到都係簡羅宋湯，貪佢足料夠濃郁，唔係一般其他餐廳番茄溝水咁既味道，入面都有放到少少薯仔紅蘿蔔等等配料，餐包配左塊少少既牛油烘多士，好夠食。
呢份係豬柳配薯菜($50)
豬柳有3塊分量適中，但口感比較鞋，不太推薦，但想👍下蔬菜既部分幾多同埋係有煮過同調味。
呢份係凡立貝櫻花蝦炒飯($55)
飯粒粒分明，有鍋氣，凡立貝有3粒，櫻花蝦都唔少，調味剛剛好，好好食，推薦。
呢份係慢煮雞胸田園沙律（$55）
蔬菜新鮮，雞胸調味適中，但如果可以多D蔬菜或者有一粒水煮蛋更好，會健康得黎比較飽肚。
呢份係紅酒燒汁燴牛肋條配薯菜（$58）
牛肋條有3大塊，全部都炆的好入淋，醬汁味道都好夾，有少少似羅宋湯既味道，好好食，非常推薦一試。
呢間冰室食物質素好好，價錢好合理，分量絕對夠飽，值得一試。
張貼
