為食雞小廚 (已結業)

四個女人去六半到荃灣，有個女人話食過呢間唔錯，員工好有禮貌，由於我哋個個睇左好耐又決定唔到叫咩食好，跟住我哋就問員工有咩好介紹。佢好有禮貌慢慢介紹俾我地邊啲菜式多人叫。👍😂最後我地叫左三樣嘢，咁先黎一個雞蒸飯，再黎一個半隻去骨海南雞，黎多個椒鹽炸九肚魚先講佢蒸食，真係好香好入味，啲雞既精華入曬落啲飯到👍再黎佢嘅去骨海南雞，啲雞好滑，連啲雞胸肉都好滑👍跟住佢嘅椒鹽九肚魚，佢炸到外脆內軟，但佢外層唔係好厚炸粉，又炸到入面都軟身又滑👍呢餐都好滿意👍份量都大碟，又有兩碗例湯，真係飽到上心口😂