Catee (已結業)

先係佢Happy Hour Offer 買一送一 house red 唔好飲，飲得出係劣地，明白一分錢一分貨，單點88蚊杯就不了。等緊野食既時間見到隻XX行去到另一張台既底下，已經好不安，地下衛生可以改善下，因為晚市去食都有不少食物碎屑係地下既邊位陰暗位。之後點左個黑松露意粉$158同肉眼扒$268既set。先上左個肉眼要五成熟，切個陣已經覺得唔對路 都幾硬好多筋位，煎得唔平均，好生個啲位係筋位肉既部分咁就選擇唔食，咁試下中間啲肉 都係低質牛扒，食到小小腥既肉味，而且煎得唔香 成色唔靚… 再食伴菜既薯蓉，係用粉開，唔值呢個價位，成本低都可以用心做啲🙏🏻等多成30-40分鐘先上碟意粉，啲汁就比較膩，食完會好口乾，無乜黑松露味。服務係好，但講緊食物既話唔合格。其實呢個價位都有好多選擇。