影片
更多
2022-09-03
72 瀏覽
見到食評幾好，所以嚟試，有期望，但勁失望。收得呢個價錢，環境裝修竟然似快餐店，唔怪得之店舖寫住未得同意唔俾影相啦。我11:50到，職員第一時間講我哋開12:00，跟住就開始用「審問」嘅口吻同我講:你知唔知我哋今日午餐係放火鍋放題，唔係套餐，我都好有禮貌答佢，冇問題，然後由得我坐喺lift口， 又唔俾餐牌我睇，而周圍只有晚市120分鐘餐牌，完全冇午市餐牌，終於到12:00就帶我入座，然後俾餐牌我睇，完全冇任何介紹，淨係問我要咩湯底同咩餐，我一答完就收番個餐牌，唔會留底俾你睇個餐包啲乜，所以我都唔知會自動上一個牛肉併盤，所以我自己又叫咗牛肉，好彩我叫得唔多。另外，因為我同uncle去食，uncle個樣表面都睇得出超過65歲，竟要我uncle主動問有冇長者優惠，先至話有長者價，叫我uncle出示身份證就平$60，自己唔問都唔會話你知有長者優惠。之後我去自助櫃攞菜，職員用「指罵」我嘅口吻話我應該用枱上面個大碗攞菜，唔係攞出面啲碗嚟裝菜，我心諗你之前乜都冇介紹過，我以為枱上面個兜係食放題用嚟裝骨嘅兜。到12:50已經拎張單嚟，13:10就催我埋單先，仲差過食快餐。其實食物質素幾好，特別係蠔，唔會
收得呢個價錢，環境裝修竟然似快餐店，唔怪得之店舖寫住未得同意唔俾影相啦。
我11:50到，職員第一時間講我哋開12:00，跟住就開始用「審問」嘅口吻同我講:你知唔知我哋今日午餐係放火鍋放題，唔係套餐，我都好有禮貌答佢，冇問題，然後由得我坐喺lift口， 又唔俾餐牌我睇，而周圍只有晚市120分鐘餐牌，完全冇午市餐牌，終於到12:00就帶我入座，然後俾餐牌我睇，完全冇任何介紹，淨係問我要咩湯底同咩餐，我一答完就收番個餐牌，唔會留底俾你睇個餐包啲乜，所以我都唔知會自動上一個牛肉併盤，所以我自己又叫咗牛肉，好彩我叫得唔多。
另外，因為我同uncle去食，uncle個樣表面都睇得出超過65歲，竟要我uncle主動問有冇長者優惠，先至話有長者價，叫我uncle出示身份證就平$60，自己唔問都唔會話你知有長者優惠。
之後我去自助櫃攞菜，職員用「指罵」我嘅口吻話我應該用枱上面個大碗攞菜，唔係攞出面啲碗嚟裝菜，我心諗你之前乜都冇介紹過，我以為枱上面個兜係食放題用嚟裝骨嘅兜。
到12:50已經拎張單嚟，13:10就催我埋單先，仲差過食快餐。
其實食物質素幾好，特別係蠔，唔會縮，但一定唔會再去受氣。
張貼
