小點角落

營業中

休息中

這間店由試業初期已經光顧，食物款式新穎，主食甜品味道也很好，所以都去過三次。事隔幾個月，今日有時間於是去重捨美味，點知係大失望!叫咗個小食拼盤，炸脾薯條，雙色雞蛋仔。小食拼盤之前係好好食，現在轉了食物配搭大為失色。之前咖喱汁大魚蛋，個汁好食到用點其他食物食。現在係沙嗲汁小魚蛋，汁唔好食，魚蛋又有怪味。之前蝦頭油燒賣，現在沙嗲汁燒賣，質感係「梅」嘅。煎釀三寶配腐乳好特別好港式，超好食，現在配芝士醬好奇怪，唔點醬就咁食仲好。腸粉，碗仔翅保持水準。口水雞就太辣了。三文魚甜筒，不如之前的炸蝦甜筒。最令人失望係炸雞脾薯條！之前係我未食過咁好味的炸脾，脆卜卜又入味。今日我懷疑係唔係用雞胸肉砌成的雞脾形狀！「鞋」到硬！又冇味，得塊皮有味。簡單來說未食過咁難食嘅炸脾！薯條不過不失啦。雙色雞蛋仔味道可以，但如果想食脆口感就一定唔係，又未到毛巾質感，食完「雞胸扮雞脾」後，什麼都好食。服務一如以往地好，淨係成日急住執嘢，我碗翅未食完，收乜嘢啊。大致上滿意服務。不過去食嘢都係為咗味道，經過今次應該以後不會再去啦。