廚意

營業中

休息中

咁啱去開佐敦， 想搵間酒店食下嘢， 所以去咗Hotel Stage 嘅餐廳試下。 佢嘅環境幾闊落， 約朋友傾計真係唔錯。 不過啲食物真係麻麻地， 我哋三個人叫咗三個set lunch， set lunch 包頭盤沙律、 主菜、甜品和飲品。 價錢由198至298不等, 餐湯和沙律水準一般， 主菜嘅大蜆蒜子香辣扁意大利麵， 大蜆好多沙， 我即刻叫佢哋幫我換過， 第二次煮出嚟就ok喇。 黑毛豬扒嘅味唔夠， 要落多D鹽和黑椒搭夠。 燒汁倉魚整得幾好， 肉質新鮮， 味道調教得好， 不需要自己再落調味料。甜品可以揀芝士餅或者紅棗布甸， 芝士餅只可以話水準一般， 紅棗布甸太甜，完全食唔到。 咖啡唔錯， 佢哋用嘅咖啡豆即磨咖啡都幾香濃， 不過食物的質素真是有待改善。