影片
更多
2021-02-26
372 瀏覽
最近呢間東海集團嘅The Story搞平價餐路線，$50-60左右埋單，驟眼睇好似唔錯。大家錯了，就算已經平過以前，呢啲餐絕對唔值呢個價錢。首先，餐湯按理應該係等候主菜嚟嘅時候奉上，一來令食客感覺減少等候主菜嘅時間，二來培養食客嘅食慾。但最好笑嘅係餐湯竟然嚟遲過主菜，真係貽笑大方。其次關於該餐廳嘅粟米忌廉湯，我仲以為正名係粟米味生粉水忌廉羹。啲粟米忌廉味擺明係罐頭湯開出嚟，呢個都不在話下，湯嘅質地好似落咗白膠漿咁，印象分立即大打折扣。仲有馬來咖喱飯，味道一般。重點係兜咖喱同餐湯都係用同一款兜裝住，份量少得可憐，簡直係離譜。該店嘅白汁雞扒意粉差到難以形容，第一啖食落口仲以為碟意粉唔小心倒瀉過落鋅盤，之後搵水沖一沖再擺番上碟上菜。仲有啲雞扒，一樣好似搵水洗過咁，完全冇味。唔講仲以為我食緊營養餐，白汁又淡，雞扒又似白烚。服務亦唔見得特別好，老實講 要喺青衣城站得住腳，價錢係一大因素，但係質素同樣重要。咁樣嘅質素我俾$40都嫌多！
首先，餐湯按理應該係等候主菜嚟嘅時候奉上，一來令食客感覺減少等候主菜嘅時間，二來培養食客嘅食慾。但最好笑嘅係餐湯竟然嚟遲過主菜，真係貽笑大方。
其次關於該餐廳嘅粟米忌廉湯，我仲以為正名係粟米味生粉水忌廉羹。啲粟米忌廉味擺明係罐頭湯開出嚟，呢個都不在話下，湯嘅質地好似落咗白膠漿咁，印象分立即大打折扣。
仲有馬來咖喱飯，味道一般。重點係兜咖喱同餐湯都係用同一款兜裝住，份量少得可憐，簡直係離譜。
該店嘅白汁雞扒意粉差到難以形容，第一啖食落口仲以為碟意粉唔小心倒瀉過落鋅盤，之後搵水沖一沖再擺番上碟上菜。仲有啲雞扒，一樣好似搵水洗過咁，完全冇味。唔講仲以為我食緊營養餐，白汁又淡，雞扒又似白烚。
服務亦唔見得特別好，老實講 要喺青衣城站得住腳，價錢係一大因素，但係質素同樣重要。咁樣嘅質素我俾$40都嫌多！
張貼