Seoulmate (京都廣場) (已結業)

兩個女仔去, 所以唔叫得多野食, 主要就叫左以下。自家製棉花糖綠茶烤拿鐵: 綠茶烤拿鐵本身已經甜, 加埋佢頂頭上既棉花糖就一定飲前之攪勻先好飲~不過都係第一次有飲品會配棉花糖, 幾特別的。烏卒卒火山鰻魚飯: 係幾可愛既一個火山~ 一黎見到佢既粗眉嬲嬲樣真係唔捨得切爛佢。佢既烏卒卒外型其實係蛋白黎既, 食個陣要連頭頂既蛋撈勻佢。而鰻魚係梅花間竹分層夾係飯入面, 接近10塊左右, 都算足料既。韓國班戟:班戟呢.. 佢上菜時連埋個煎PAN 上保住個熱度, 令到個雪糕可以慢慢溶化, 配埋咸蛋黃個配料揸勻, 其實成個班戟 都唔會好甜, 又有陣蛋黃香味。