茴香 (已結業)

一個月內第二次去呢間餐廳，餐牌好似keep住轉同更新，記得幾星期前，沙律吧只係得不同款式嘅菜，今次明顯增加咗款式。上次嚟職員耐心介紹餐牌食物，但係今次冇，我見到多咗啲泰式野食，所以冇叫套餐。加上上一次牛扒一般，所以今次試新嘢，叫咗個咖喱軟殼蟹薄餅，一直以為係Pizza，黎到先知係印度薄餅嗰種😂，不過樣貌同味道都唔錯！ 另外仲有小食拼盤，份量都算大份，大部份都係炸物，味道ok。飲品點了水果茶和咖啡，水果茶冰多到上頂，幾啖飲完。上次雖然食物普通，但因為覺得服務好好，好少見到飲食業員工咁主動😂，所以先至再嚟。不過今次明顯服務有大大嘅改善空間！d女仔好似未訓醒咁，又冇乜反應，免得過都費事叫佢。最好笑係原來有限時，甜品都嚟唔切食，就拎張單埋嚟。 整體食物係好食過上次嘅，款式都增加咗好多。服務同上次經歷有太大嘅反差，可能只係我今次唔好彩。