影片
更多
2016-04-03
596 瀏覽
其實今日本身係想去食放題既，但係朋友又話唔係太肚餓食放題好唔抵，所以就改左黎呢到啦。位於佐敦既「七福神和食亭」，地鐵站A出口行去都只係要3-4分鐘，好方便！餐廳位於2樓，係地下入口既位置有個職員會幫你安排入座。是日星期六，晚上6點幾黎到都唔係掙返好多位，下次都係訂位好D。食物選擇都好多，落order既方式同放題有點兒相似，不過呢到係自己寫個食物number要幾多份咁。和風珍味拼盤: 自己一向都好喜歡食日式前菜，所以黎到都點左呢個和風珍味拼盤食下。當中包括芝麻八爪魚, 中華沙律同螺肉，份量也幾多，全部既味道都適中， 螺肉就辣辣地，中華沙律食落都好爽，非常開胃。士多啤梨煙三文魚果醋沙律:沙律上到檯時我地既反應就係，「哇，份量真係好多」，如果一個人食既話只係食呢個就唔洗食其他野架啦。新鮮既煙三文魚配上什錦沙律菜同士多啤梨片感覺好清新，加埋柚子味既果醋同埋微量既沙律醬食落微酸帶甜，口感清新，真係好開胃，加上士多啤梨同果醋混起後帶微酸，一路食肉一路食呢個沙律真係可以消滯。8品刺身盛盒: 8品刺身盛盒有三文魚，油甘魚，吞拿魚，八爪魚，北寄貝，帶子，海膽半板，甘蝦各3隻，叫呢個刺身盛盒一次過可以食到
位於佐敦既「七福神和食亭」，地鐵站A出口行去都只係要3-4分鐘，好方便！餐廳位於2樓，係地下入口既位置有個職員會幫你安排入座。是日星期六，晚上6點幾黎到都唔係掙返好多位，下次都係訂位好D。
食物選擇都好多，落order既方式同放題有點兒相似，不過呢到係自己寫個食物number要幾多份咁。
和風珍味拼盤: 自己一向都好喜歡食日式前菜，所以黎到都點左呢個和風珍味拼盤食下。當中包括芝麻八爪魚, 中華沙律同螺肉，份量也幾多，全部既味道都適中， 螺肉就辣辣地，中華沙律食落都好爽，非常開胃。
士多啤梨煙三文魚果醋沙律:沙律上到檯時我地既反應就係，「哇，份量真係好多」，如果一個人食既話只係食呢個就唔洗食其他野架啦。新鮮既煙三文魚配上什錦沙律菜同士多啤梨片感覺好清新，加埋柚子味既果醋同埋微量既沙律醬食落微酸帶甜，口感清新，真係好開胃，加上士多啤梨同果醋混起後帶微酸，一路食肉一路食呢個沙律真係可以消滯。
8品刺身盛盒: 8品刺身盛盒有三文魚，油甘魚，吞拿魚，八爪魚，北寄貝，帶子，海膽半板，甘蝦各3隻，叫呢個刺身盛盒一次過可以食到唔同既刺食，又唔洗諗食邊款好
刺食食落都算新鮮，賣相唔錯，顏色鮮艷，味道鮮甜，最鐘意既都係鮮甜既三文魚刺身同帶子。三文魚切得好厚，帶子亦都好滑嫩，刺身附有飯同紫菜，俾你用黎包海膽，個人覺得咁食比淨食海膽更加好味。
炭火燒泡菜雞翼:去左骨既雞翼脹卜卜，裡面仲塞滿泡菜。雞翼煎得香口，外層香脆香口，內裡嫩香多汁，味道一D都唔辣。
日式煎餃子: 餃子味道普通，唔係太特別，個皮唔算太厚，不過如果可以再整返薄少少就更加好啦。
串燒5品盛盒:串燒5品盛盒有雞翼， 冬菇，京蔥雞肉，小青椒同埋豬頸肉，整體味道偏鹹。雞翼方面燒得剛剛好，豬頸肉同京蔥雞肉咬落都幾多汁，冬菇唔會燒得太乾，有水準。
大蝦什錦天婦羅: 大蝦什錦天婦羅有6件，有蝦，矮瓜，南瓜，蕃薯同青椒，不過炸粉唔會太厚，炸得香脆而唔油膩，賣相呈金黃色，非常吸引。
埋單每人$303，價錢只係貴一般放題少少，但係食物質素就比放題高好多，真係一個有別於放題既另類選擇。
張貼
